|
Lambi kaali raat
Woh kahkahoN ki Masti
KahaN gayee who hasti?
Woh khwaaboN pay jaadu karna
Aur yaqeeN main badalanaa
SabaaN say sur milanaa
Tau kabhi taaroN say gungunanaa
Jab hosh nay aaNk kholi
Afqaar say ki macholi
Ab tu bhi udaas kyuoN hai
Tanhai ka paas kyuoN hai
Maanaa shub nay ziNdgi pay teri
Lagaai lambi pheri
Magar raushni kay who daany
Jiskay tujh main haiN khzaanay
Bo day is kaali raat kay seenay par
--------------------
|