jo sunaye dhun tere pyar ki mujhe dhadkano ka wo saaz de
tere gham ki umr daraaz ho mujhe apne gham se nawaaz de
karun sajda jab tere pyar ko to na sar uthaun mei umr bhar
jo tamaam umr khatam na ho mujhe aesi koi namaaz de
mei jaluun jo ishq ki aag mei toh har simt ho roshni
mujhe aisi ishq se kya garaz jo na soz de na gudaaz de
tujhe mere mitne ki ho khushi mujhe fakhr ho ke mei mit gaya
meri iltejaa ye khuda se hei tujhe naaz de mujhe nayaz de