Came across this very nice poem, a very thought provoking and very near to reality of today.
I hope you are able to read the roman urdu, i tried to keep it clear n easy to read.
Sunna hai jungalon ka bhi koi dastoor hota hai
Sunna hai sher ka jab pait bhar jaaey
tou woh hamla nahin karta..
Sunna hai jab kissi naddi ke paani mein
Bey ke ghonslay ka gandumi saaya larzta hai
tou naddi ki ro-pehli machliyaan issko
parosi maan laithee hain...
Hawa ke tez jhonkay jab darakhton ko hillatay hain
tou Maina apnay ghar ko bhool kar
Kaway ke andon ko parron mein thaam laithi hai
Sunna ha ghonslay se jab koi bacha girray tou
saara jungle jaag jaata hai
Naddi mein baar aajaey
koi pull toot jaaey
tou kissi lakree ke takhtay parr
gulehri, saanp, cheeta aur bakri
saath hotay hain...
Sunna hai jungle ka bhi koi dastoor hai
Khudawand Jaleel O Moatabir, Daana o Beena, Munsif o Akbar,
Humaray shehar mein ab
Jungalon ka hi koi dastoor naafiz kar.........
