Kat Hi Gai Judaee Bhi , Kab Yea Hua K Mar Gaey..
Tere Bhi Din Guzar Gaey , Mere Bhi Din Guzar Gaey.
Tum Bhi Kuch Aur Aur Thay , Hum Bhi Kuch Aur Aur Thay
Janay Wo Tum Kidhar Gaey, Janay Wo Hum Kidhar Gaey.
Raahon Mein Hi Milay Thay Hum, Raahain Naseeb Ban Gaein
Too Bhi Na Apne Ghar Gaya , Hum Bhi Na Apne Ghar Gaey.
Waqt Hi Kuch Judaee Ka Itna Taweel Ho Gaya.............
Dil Mein Tere Wisaal Ke Jitnay Thay Zakham Bhar Gaey.
Us Ke Salook Par Adeem Apni Haayat o Mout Hai.
Wo Jo Mila Tu Jee Uthay , Wo Na Mila Tu Mar Gaey.