Ye soch kar ki teri jabin par na bal pade
bas duur hi se dekh liya aur chal pade
dil men phir ik kasak si uthi muddaton ke baad
ik umar ke ruke hue aansu nikal pade
seene men beqaraar hain murdaa muhabbaten
mumkin hai ye charaag kabhi Khud hi jal pade
eh dil tujhe badalati hui rut se kyaa milaa
paudhon men phool aur darakhton men phal pade
ab kis ke intezaar men jaagen tamaam shab
wo saath ho to neend men kaise Khalal pade
'Shehzad' dil ko zabt kaa yaaraa nahin rahaa
nikla jo mahataab to samandar uchhal pade
Ishq samjhe the jise, wo tha bus narasai ka rishta
mere aur us ke darmian nikla umar bhar ki judai ka rishta.
|