hayaa

hamaray darmiyaa(n) aisaa koi rishta nahin thaa
teray shaano(n) pe koi chhat nahin thi
meray zimmay koi aangan nahin thaa
koi waadaa teri zanjir-e-paa banane nahin payaa
kisi iqaraar ne meri kalaai ko nahin thaamaa
hawaa-e-dasht ki maanind
tuu Azad thaa
raastay teri marzi ke tabe the
mujhe bhi apni tanhaai pe
dekhaa jaaye to
puraa tassaruf thaa
magar jab aaj tu ne
raastaa badlaa
to kuchh aisaa lagaa mujh ko
ke jaise tuu ne mujh se be-wafaai ki!
(Parvin Shakir)

Nomi 007

Zabardust....miss hayaa!
Ub yey bhi parrhaiN...

Wo log bohat khush-qismat thay
Jo ishq ko kaam samajhtay thay, ya kaam say aashqi kartay thay
Hum jeetay-jee masroof rahay, kuch ishq kiya kuch kaam kiya
Kaam ishq kay aarray aata raha, oar ishq say kaam ulajhta raha
Phir aakhir tung aa kar humnay donoN ko adhoora chorr diya.
(FAIZ SAHAB)

Sarfraz

marhaba, marhaba in shehr kehney waaloon ka
jo munh mey aata hey, keh detain hein