Hasan Koozah Gar I

**being lonely** · Sep 6th, 2007, 04:12 AM

Asalam u Alaikum ! How Are You All ? Hope Fine ! So Noon Meem Rashid Ki Aik Dil Ko Chuu Janay Aur Laakhon Urdu Shyari Parhnay Walay Logon Ki Pasandeeda Nazam Hasan Kooza Gar !

KoozaH Gar means (matti k bartan Bananay Wala)
Jahan Zaad (Apnay Mehbbob Ko Iss nAam Se Pukara Hai Shayar Ne)

Hasan Koozah-gar ---- I
JahaaN-zaad!
Neeche gali mein
Tere dar k aage
Ye main sokhta-sar
Hasan koozah-gar huN
Tujhe subho bazaar mein
BooRhe attaar Yusuf ki dukkaan par
Main ne dekha
To teri nigaahoN mein
Wo taab-naaki thi
Main jiski hasrat mein
Nau saal deewaana phirta raha
JahaaN-zaad!
Nau saal deewaana phirta raha
Ye wo daur tha
Jis mein main ne kabhi
Apne ranjoor koozoN ki jaanib palaT kar na dekha
Wo kooze
Mere dast-e-chaabuk k putle
Gil o rang o raughan ki makhlooq-e-be-jaaN
Wo sar-goshiyoN mein ye kehte,
Hasan kooza-gar ab kahaN hai
Wo ham se
Khud apne amal se
Khudaawand ban kar
KhudaaoN ki maanind hai roo-e-gardaaN
JanaaN-zaad!
Nau saal ka daur
YooN mujh pe guzra
K jaise kisi shehr-e-madfoon par waqt guzre
TaghaaroN mein mitti
Kabhi jis ki khushbu se waarafta hota tha main
Sang-basta paRi thi
Suraahi o meena o jaam o subu
Aur faanoos o guldaaN
Meri heich-maaya maeeshat k izhaar-e-fan k sahaare
Shikasta paRe they
Main khud
Main
Hasan koozah-gar
Pa-ba-gil
Khaak-sar, bar-barehna
Sar-e-chaak
Zoleeda-mu
Sar-ba-zaanu
Kisi gham-zada deivta ki tarha
Vaahime k gil o la se
KhwaaboN k sayyaal kooze banaata raha
JahaaN-zaad!
Nau saal pehle tu nadaaN thi lekin
Tujhe ye khabar thi
K main ne
Hasan koozah-gar ne
Teri qaaf ki c
Ufaq-taab aankhoN mein
Dekhi hai wo taab-naaki
K jis se mere jism o jaaN
Abr o mehtaab ka rah-guzar ban gaye they
JahaaN-zaad!
Baghdaad ki khwaab-gooN raat
Rood-e-Dajla ka saahil
Wo kashti
Wo mallaah ki band aankhein
Kisi khasta-jaaN,
Ranj-war koozah-gar k liye
Eik hi raat
Wo koh-ruba thi
K jis se abhi tak hai paivast uska wujood
Uska paikar
Magar eik hi raat ka zauq
Darya ki wo lehr nikla
Hasan kooza-gar jis mein dooba
To ubhra nahi hai
JahaaN-zaad!
Is daur mein roz
Har roz
Wo sokhta-bakht
Aa kar mujhe dekhti
Chaak par
Pa-ba-gil,
Sar-ba-zaanu
To shaanoN se mujhko hilaati
Wo shaanoN se mujhko hilaati,
Hasan koozah-gar!
Hosh mein aa
Hasan!
Apne veeraan ghar par nazar kar!
Ye bachoN k tannoor kiyun-kar bharein ge!
Hasan!
Aai mohabbat k maare!
Mohabbat ameeroN ki baazi!
Hasan!
Apne deewaar o dar par nazar kar!
Mere kaan mein ye nawaa-e-hazeeN
YuN thi jaise kisi Doobte shakhs ko
Zeir-e-girdaab koi pukaare
Wo ashkoN k ambaar
PhooloN k ambaar they
HaaN magar
Main, Hasan koozah-gar
Shehr-e-auhaam k
Un kharaaboN ka mjzoob tha jin mein
Koi sada
Koi jumbish
Kisi margh-e-parraaN ka saaya
Kisi zindagi ka nishaaN tak nahi tha
JahaaN-zaad!
Main aaj teri gali mein
YahaaN raat ki sard-gooN teergi mein
Tere dar k aage
KhaRa huN
Sar o mu pareshaaN
Dareeche se wo
Qaaf ki c talismi nigaahein mujhe
Aaj phir jhaankti hain
Zamaana JahaaN-zaad! wo chaak hai
Jis mein meena o jaam o subu
Aur faanoos o guldaaN k maanind bante bigaRte hain insaaN
Main insaaN huN lekin
Ye nau saal jo gham k qaalib mein guzre
Hasan koozah-gar,
Aaj ik toda-e-khaak hai
Jis mein nam ka asar tak nahi hai
JahaaN-zaad!
Baazaar mein subh
Attaar Yusuf ki dukkaan par
Teri aankhein
Phir ik baar kuch keh gaee hain
Un aankhoN ki taabinda shokhi se uTThi hai
Phir toda-e-khaak mein nam ki halki c larzish
Tamanna ki wus'at ki kis ko khabar hai!
JahaaN-zaad!
Lekin tu chaahe to ban jaauN
Main phir wohi kooza-gar
Jis k kooze
They har kaakh o ku
Aur har shehr o qarya ki naazish
They jin se ameer o gada k masaakin
DarakhshaaN
Tamanna ki wus'at ki kis ko khabar hai!
JahaaN-zaad!
Lekin tu chaahe to main phir
PalaT jaauN
Un apne mehjoor koozoN ki jaanib
Gil o la k sookhe taghaaroN ki jaanib
Maeeshat k izhaar-e-fan k sahaaroN ki jaanib
K main us gil o la se
Us rang o raughan se
Phir wo sharaare nikaaluN
K jin se diloN k kharaabe hoN raushan.

Noon Meem Rashid

SJ · Sep 6th, 2007, 04:30 AM

Its Really wonderful To Read It Once Again Here.................
Bohat Umdaa Sharing ..................

**tum_bin** · Sep 6th, 2007, 04:50 AM

bohat khubsurat nazam hai

**deep_ocean** · Sep 6th, 2007, 05:51 AM

buhat lambi hai bhai will read it later

waisay Noon Meem Rashid ki hai to achi hi ho gi

**being lonely** · Sep 6th, 2007, 03:30 PM

@ baki sab ~

Farhat Abbas Shah Ko He Parhiye ~

AQ · Sep 6th, 2007, 03:57 PM

Originally Posted by being lonely

@ baki sab ~

Farhat Abbas Shah Ko He Parhiye ~

LOL!
itnay naraaz kiouN hotaY ho jiger

Farhat Abbas Shah is a good poet too

raat ko aaraam saY paRhooN gaa.. it's a bit long..... jaldi maiN insaaf naheeN hogaa

**Shab-e-Hijar** · Sep 6th, 2007, 04:28 PM

AQ · Sep 6th, 2007, 09:17 PM

Sid:

I read the whole poem... the free verse is though very lengthy but at the same time very mesmerizing ... The simplicity of the thoughts by Noon Meem Rashid is rather very complicated....

I have couple of questions if you know the answer....

- It seems like Hassan Koozah gar is a known character of Baghdad - Is this story of Hassan Koozah gar and JahaaN Zaad one of those stories like Laila Majoon, Heer Raanjha etc.?

- It talks about 9 years span..... what is the significant of it?

I seriously think that we need to know the context and background of coming into existence of this poem in order to truely appreciate it....? Do you know about it by any chance????

**Jhanjharewali** · Sep 9th, 2007, 08:58 AM

^^ pretty much my train of thoughts.
we are waiting Sid. jaldi aa kar ye samjhao cos its really enthralling

***Masoom Muskaan*** · Sep 9th, 2007, 09:30 AM

ye kia he ?

**Jhanjharewali** · Sep 9th, 2007, 09:18 PM

pyari bachhi jao apne gudde gudiyon ke saath khelo. ye jagah bahot khatarnaak hae- bachhon ke liye bilkul nahi

**babri** · Apr 7th, 2008, 07:23 AM

LinkBack

Thread Tools

Display