Suna Hai Loog Ussay Ankh Bhar Kay Daikhtay Hain
Too Chaloo Uss Kay Shaher Main Kuch Din Thaher Kay Daikhtay Hain
Suna Hai Rabt Hai Uss Koo Kharab Haloon Say
Soo Apnay App Koo Burbaad Kar Kay Daikhtay Hain
Suna Hai Boolay Too Batoon Say Phool Jhurtay Jain
Yeh Baat Hai Too Baat Kar Kay Daikhtay Hain
Suna Uss Kay Shubistann Say Mutasil Hai Bahisht
Makeen Udher Kay Bhee Jalway Idher Kay Daikhtay Hain
Suna Hai Din Main Usat Titlian Satati hain
Raat koo Jugnoo Taher Kay Daikhtay Hain



------------------
Meiji

bohat zaberdust nazam hai ahmed faraz ki. mujhey bohat pasand hai. thanks for sharing with us.

great choice but that is not the complete nazm:
Here it is: kaafi taweel nazm hai:

Suna Hai Log Usay Aankh Bhar Ke Dekhtay Hain

Suna hai log usay aankh bhar ke dekhtay hain
So us ke shahar main kuchh din thahr ke dekhtay hain

Suna hai rabt hai us ko kharab halon se
So apnay aap ko barbad karkay dekhtay hain

Suna hai dard ki gahak hain chashm-e nazuk us ki
So ham bhi us ki gali se guzar kar dekhtay hain

Suna hai us ko bhi hai sher-o shayari se shagaf
So ham bhi mojaze apnay hunar ke dekhtay hain

Suna hai bole to baton se phool jharatay hain
Ye baat hai to chalo baat kar ke dekhtay hain

Suna hai raat use chand takta rehta hai
Sitaray baam-e falak se utar kar dekhtay hain

Suna hai hashr hain us ki gazal si aankhain
Suna hai us ko hirn dasht bhar ke dekhtay hain

Suna hai din ko usay titliyan satati hain
Suna hai raat ko jugno thahar ke dekhtay hain

Suna hai rat se barh kar hain kakulan us ki
Suna hai sham ko saye guzar ke dekhtay hain

Suna hai us ki siyah chashmagi qiyamat hai
So us ko surma farosh aankh bhar ke dekhtay hain

Suna hai us ke labon se gulab jalate hain
So ham bahar par ilzaam dhar ke dekhtay hain

Suna hai aaina tamasal hai jabin us ka
Jo sada dill hain ban sanvar ke dekhtay hain

Suna hai jab se hamail hain us ki gardan main
Mizaj aur hi lal-o gauhar ke dekhtay hain

Suna hai chashm-e tasavur se dasht-e imkan main
Palang zawaiya us ki kamar ke dekhtay hain

Suna hai us ke badan ke tarash aisay hain
Ke phuul apani qabayain qatar ke dekhtay hain

Woh sarvqad hai magar begul-e muraad nahin
Ke us shajar pe shagufay samar ke dekhtay hain

Bas ek nigah se lutata hai qafila dil ka
So rahravaan-e tamannaa bhi dar ke dekhtay hain

Suna hai us ke shabistan se mutasil hai behisht
Makin udhar ke bhi jalway idhar ke dekhtay hain

Rukay tu gardishain us ka tawaf karti hain
Chalay to us ko zamanay thahar ke dekhtay hain

Kisay naseeb ke be parahan usay dekhay
Kabhi kabhi dar-o divaar ghar ke dekhtay hain

Khaniyan hi sahi sab mubalaghay hi sahi
Agar woh khwab hai tabir kar ke dekhtay hain

Ab us ke shahar main tharain ki kuch kar jayan
Faraz aao sitaray safr ke dekhtay hain

By: ahmad faraz

simply beautiful. one of my favourites (kayee baar iss forum pe post ho chukii hai!)