Sahir Ludhiyanvi

seem · Jun 25th, 2009, 04:56 AM

Kabhi Kabhi Mere Dil Mein Khayal Ata Hai....

Keh Zindagi Teri Zulfon Ki Narm Chahon Mein,
Guzarne Paati Tu Shadab Ho Bhi Sakti Thi.

Yea Teergi Jo Meri Zeest Ka Muqadar Hai,
Teri Nazar Ki shua'on Mein Kho Bhi Sakti Thi.

Ajab Na Hota Keh Mea Begana e Alam Ho Kar
Tere Jamal Ki Ranaiyun Mea Kho Rehta.

Hayat Cheekhti Phirti Barhana Sar Aur Mea
Tere Labon Se Halawat Keh Ghoont Pi Leta

Magar Yea Ho Na Saka Aur Ab Yea Alam Hai.
Keh Tu Nahi , Tera Gham, Teri Justaju Bhi Nahi.

Guzar Rahi Hai Kuch Is Tarah Zindagi Jaise,
Isay Kisi Ke Sahaaray Ki Aarzoo Bhi Nahi.

Na Koi Yaad, Na Manzil, Na Roshni Ka Suraag,
Bhatak Rahi Hay Andheron Main Zindagi Meri.

Inhee Andheron Mein Reh Jaaon Ga Kabhi Kho Kar,
Main Jantaa Hon Meri Hum-Nafas Magar Yunhi,

Kabhi Kabhi Mere Dil Mea Khayal Ata Hai.

sanadubai · Jun 25th, 2009, 05:04 AM

hmmmmm/////.........

seem · Jun 25th, 2009, 05:07 AM

Yaksoee

Ehad e Gumgashta Ki Tasweer Dikhatee Kyun Ho?
Aik Awara e Manzil Ko Satatee Kyun Ho...........?

Wo Haseen Ehad Jo Sharminda e Ayfa Na Hua.
Us Haseen Ehad ka Mafhoom Jatatee Kyun Ho?

Zindagi Shula e Bebaak Bana Lo Apni.............
Khud ko khakstar e Khamosh Banati Kyun Ho?

Mea Tasawaf Ke Marahil Ka Nahi Hon qayail...
Meri Tasweer Peh Tum Phool Charhati Kyun Ho?

Kon Kehta Hai Keh Aahain Hain Masaaib Ka Ilaaj..
Jan ko Apni Abas Rog Lagati Kyun Ho..............?

Aik Sarkash Se Mohabat Ki Tamana Rakh Kar..
Khud Ko Aaeen Keh Phandon Mea Phansati Kyun Ho?

Mea Samajta Hon Taqasdas Ko Tamadan Ka Faraib.
Tum Rasomaat Ko Emaan Banati Kyun Ho.......?

Jab Tumhain Mujh Se Ziada Hai Zamanay Ka Khayal.
Phir Meri Yaad Mea Yun Ashk Bahati Kyun Ho......?

Tum Mea Himat Hai Tu Dunya Se Baghawat Kar Lo
Warna Maa Baap Jahan Kehtay Hain Shahdi Kar Lo.

seem · Jun 25th, 2009, 05:14 AM

Dekha tu tha yun hi kisi ghaflat shuaar ne
Dewana kar dia dil-e-be ikhtiyar ne.........

Ay arzo k dhundlay khuwabo! Jawab do
Phir kis ki yaad aaee thi mujh ko pukarne.

Tujh ko khabar nahi magar ik sada loh ko
Barbaad kar dia tere do din ke pyaar ne.

Mein , aur tum se tark-e-mohabat ki arzoo
Dewana kar dia hai gham-e-rozgaar ne.

Shazia Arif · Jun 25th, 2009, 08:30 AM

gud choice.

seem · Jun 25th, 2009, 02:48 PM

thanks

seem · Jun 25th, 2009, 03:04 PM

KISI KO UDAS DEKH KAR

Tumhain Udas Sa Pata Hun Mein Kaee Din SE
Na Jane Konse Sadmay Utha Rahi Ho Tum???

Wo Shokheeyan , Wo Tabassum, Wo Qehqahay Na Rahe
Har Ik Chiz Ko Hasrat Se Dekhti Ho Tum.......

Chupa Chupa Ke Khamoshi Mein Apni Bechaini..
Khud Apne Raaz Ki Tashheer Ban Gaee Ho Tum.

Meri Omeed Agar Mit Gaee Tu Mitne Do......
Omeed Kia Hai Bas Aik Paish o Pas Hai Kuch Bhi Nahi.

Meri Hayat Ki Ghamgeniyun Ka Gham Na Karo
Gham e Hayat Gham e Yak Nafs Hai Kuch Bhi Nahi.

Tum Apne Husn Ki Ranaeeyun Peh Reham Karo
Wafa Faraib Hai, Tool e Hawas Hai Kuch Bhi Nahi.

Mein Janta Hon Dunya Ka Khof Hai Tum Ko
Mujhe Khabar Hai Yea Dunya Ajeeb Dunya Hai.

Mujhe Tumhari Judaee Ka Koi Ranj Nahi .....
Mere Khayal Ki Dunya Mein Mere Pas Ho Tum.

Yea Tum Ne Thik Kaha Hai Tumhain Mila Na Karon.
Magar Mujhe Yea Bata Do K Kyun Udas Ho Tum.

Khafa Na Hona Meri Jurat e Takhatib Par ......
Tumhain Khabar Hai Meri Zindagi Ki Aas Ho Tum.

Mera Tu Kuch Bhi Nahi Hai Mein Ro K Jee Lon Ga
Magar Khuda K Lea Tum Aseer e Gham Na Raho.

Huwa Hi Kia Jo zamanay Ne Tum Ko Cheen Lia
Yahan Par Kon Kisi Ka huwa Hai Socho Tu....

Mujhe Qasam hai Mri Dukh Bhari Jawani Ki
Mein Khush Hun Meri Mohabat K Phool Thukra Do

Mein Apni Roh Ki Har Aik Khushi Mita Lon Ga
Magar Tumhari Musarrat Mita Nahi Sakta...

Tumharay Gham k Siwa Aur Bhi Tu Gham Hain Mujhe
Nijaat Jin Se Mein IK Lehza Pa Nahi sakta...

YEA GHAM BOHT HAIN MERI ZINDAGI MITANAY KO
UDAS REH KAY MERE DIL KO AUR RANJ NA DO...

seem · Jun 25th, 2009, 03:10 PM

TANG AA CHUKAY HAIN KASHMAKASH E ZINDAGI SE HUM
THUKRA NA DAIN JAHAN KO KAHEEN BEDILI SE HUM.

LO AAJ HUM NE TOR DIA RISHTA E OMEED
LO AB KABHI GILA NA KARAIN GAY KISI SE HUM

GAR ZINDAGI MEIN MIL GAEY PHIR ITTAFAQ SE
POOCHAIN GAY AAPNA HAAL TERI BEBASI SE HUM.

terray_naam · Jun 26th, 2009, 02:39 AM

Nice choice

seem · Jun 26th, 2009, 07:45 PM

thanks

Aryaan · Jun 26th, 2009, 07:48 PM

Bohat hi umdah sharing Seem..

koozager · Jun 30th, 2009, 01:54 AM

Quote:

Originally Posted by seem

TANG AA CHUKAY HAIN KASHMAKASH E ZINDAGI SE HUM
THUKRA NA DAIN JAHAN KO KAHEEN BEDILI SE HUM.

LO AAJ HUM NE TOR DIA RISHTA E OMEED
LO AB KABHI GILA NA KARAIN GAY KISI SE HUM

GAR ZINDAGI MEIN MIL GAEY PHIR ITTAFAQ SE
POOCHAIN GAY AAPNA HAAL TERI BEBASI SE HUM.

good stuff.

This last one sounds like Joan Eliya.