Yeh Dasht, Wo Rah-e-Sehra Bhi Mujh Ko Dekhnay Do
Ab Imtehan Ka Nattija Bhi Mujh Ko Dekhnay Do

Is Aienay Pay Tumhara He Ikhtiyaar Sahi
Kabhi Kabhi Mera Chehra Bhi Mujh Ko Dekhnay Do

Taayun Raah-o-Manzail Mujhi Ko Karna Hai
So, Apni Ankh Se Rusta Bhi Mujh Ko Dekhnay Do

Meray He Naam Se Roshan Hain Baam-o-Dar Jis Kay
Ab Is Makaan Ka Naqsha Bhi Mujh Ko Dekhnay Do

Shareek-e-Ranj-e-Saffer Tum Zaroor Ho Lakin
Koi Tu Khawaab Akaila Bhi Mujh Ko Dekhnay Do