Ye mera fakhar tha ya ghuroor tha
samajh na paya
Ik anokha sa suroor tha
Samajh na paya
Raah kathin thi ya paon shal
Sehra he sehra tha ya jal thal
Samajh na paya
Mene ah-o-baka ki
Ye siski nhi shayad sada thi
Samajh na paya
Hont hile ya sana-e-khuda thi
Ye kaisi dua thi jo sab se juda thi
Samajh na paya
Aansoo na bahe per dhundhlka sa cha gya
Ik khamosh darya jazbaat ko baha gya
Samajh na paya
Mujh se mansoob hain kuch aisi batain
Kuch banjar se din or baanjh si raatain
Samajh na paya
Laog kehte hain main lafzon ka khilari hoon
Per ye kaisa khail hai jo jeet na paya
Samajh na paya...